Oʻzbekiston Qahramoni, Oʻzbekistonda xizmat koʻrsatgan qishloq xoʻjaligi xodimi Ibrohim Fayzullayev 89 yoshida vafot etdi.

Ibrohim Fayzullayev 1933-yilda Denov tumani Qayirma qishlogʻida tugʻilgan. Uzoq yillar qishloq xoʻjaligida faoliyat olib borgan.

Fayzullayev rahbarlik qilgan xoʻjalik respublikadagi ilgʻor va iqtisodiy baquvvat xoʻjaliklardan biri boʻlib, paxta, gʻalla, pilla yetishtirishda yuqori koʻrsatkichlarga erishgan. 1996-yilda Oʻzbekiston Qahramoni unvoni bilan taqdirlangan.