Prezident Shavkat Mirziyoyev Qoraqalpogʻistonning Moʻynoq tumani faollari bilan uchrashuvda bolalarning bogʻcha yoshi haqida gapirib oʻtgan. Bu haqida Maktabgacha taʼlim vazirligi xabar berdi.

Qayd etilishicha, uchrashuv davomida “Hakim ota” ovulidan tashrif buyurgan maktabgacha taʼlim sohasi vakili Baxtigul Kitaybekova bogʻchalarga bolalarni 2 yoshdan qabul qilish boʻyicha davlat rahbariga murojaat qilgan.

“Bogʻchalarga bolalarni 2 yoshdan qabul qilish boʻyicha mening ham niyatim bor. Ammo hali ozroq vaqt bor. Iqtisodiyotimizni salgina mustahkamlab olaylik, keyin bu ishni amalga oshiramiz. Agar hozir faqat Qoraqalpogʻiston uchun buni yoʻlga qoʻysak, boshqa hududlarga nisbatan toʻgʻri boʻlmaydi”, deb javob bergan davlat rahbari.