UzAuto kompaniyasining Toshkent shahridagi bosh ofisida 22-fevral kuni Oʻzbekiston gimnastika federatsiyasining hisobot-saylov konferensiyasi boʻlib oʻtdi. Unda «Oʻzavtosanoat» AJ boshqaruvi raisi Shavkat Umurzoqov Oʻzbekiston gimnastika federatsiyasi prezidenti  etib saylandi.

Qayd etilishicha, Gimnastika federatsiyasi prezidentligiga nomzodni tayinlash ovoz berish yakunlariga koʻra boʻlib oʻtgan. Konferensiya ishtirokchilari ushbu lavozimga Shavkat Umurzoqovni bir ovozdan maʼqullagan.

Shavkat Umurzoqov rahbarligida «Oʻzavtosanoat» uzoq yillar davomida Oʻzbekiston gimnastika federatsiyasining bosh homiysi boʻlib kelgan.