Oʻsmat–Bogʻishamol yoʻnalishida qatnovchi “Damas” haydovchilari aholi manzilidan uzoqda yashovchi oʻquvchilarni maktabga bepul olib ketadi. Bu haqida “Facebook” foydalanuvchisi Mamadiyor Sherbekov sahifasida yozib qoldirdi.

“Ularning dalayu dasht oʻrtasidagi uylari aholi manzilidan uzoqda joylashgan. Men ishga qatnaydigan damaschilar navbati bilan har safar, har tong bu toʻrt bolakayni maktabgacha obketishadi. Va har safar, har tong beminnat, tekinga!”, deb yozgan u.

Haydovchilarning ushbu ezgu ishlari tarmoq foydalanuvchilari tomonidan olqishlangan. Avvalroq oyina.uz ʻda dunyo boʻylab begona odamlardan yaxshilik koʻrgan kishilarning hikoyalari eʼlon qilingan edi.