21-fevral kuni Jomboy tumanida joylashgan “Zarafshon” milliy tabiat bogʻining uchinchi boʻlimi hududida yongʻin sodir boʻldi.

Bu haqida zarnews.uz viloyat ekologiya va atrof-muhitni muhofaza qilish boshqarmasi axborot xizmatiga tayanib xabar bermoqda.

Qayd etilishicha, yongʻin oqibatida suv tol va malina boʻtalari kabi oʻsimliklar oʻsuvchi jami 0,25 gektar yer maydoni zarar koʻrgan. Olov hududga biriktirilgan masʼullar va xodimlar tomonidan tezkor tartibda bartaraf etilgan.

Ayni paytda holat yuzasidan qonunda belgilangan tartibda surishtiruv va oʻrganish ishlari olib borilmoqda.