“Toshkent shahar jamoat transporti tizimini yanada rivojlantirishga doir qoʻshimcha chora-tadbirlar toʻgʻrisida”gi Prezident qaroriga koʻra, Toshkent koʻchalarida avtobuslar uchun alohida yoʻl boʻlaklari tashkil etiladi.

Toshkent shahrining magistral koʻchalari, jumladan, Keles yoʻli, Ahmad Donish, Bogʻishamol, Buyuk ipak yoʻli, Maxtumquli, Fargʻona yoʻli, Lutfiy, Beshqayragʻoch, Koʻkcha darvoza va Beruniy koʻchalaridagi 11 ta avtobus yoʻnalishida alohida boʻlaklar tashkil etiladi. Bu ishlar 2026-yilga qadar amalga oshiriladi. 2022-yil oxirgi choragida faqat Ahmad Donish koʻchasida alohida yoʻlak ishga tushiriladi.

Shuningdek, 2022-yilning oxiriga qadar Toshkentdagi mavjud 605 ta chorrahaning barchasiga maxsus avtomatlashtirilgan foto va video qurilmalari oʻrnatiladi.