Bosh vazir oʻrinbosari, turizm va sport vaziri Aziz Abduhakimov Respublika ixtisoslashtirilgan onkologiya va radiologiya ilmiy-amaliy tibbiyot markazida davolanayotgan bemor bolalar bilan uchrashdi.

Uchrashuv davomida bosh vazir oʻrinbosari 9 yoshli Zafarjon bilan shaxmat oʻynab, “mot” boʻlgan. Bu haqida Zamon informatsion dasturida xabar berildi.

“Ministr bilan shaxmat oʻynab koʻrasanmi, deyishdi. Men rozi boʻldim, mot qilib qoʻydim”, deydi Zafarjon.

Shuningdek, vazir bolajonlarga kitoblar toʻplami va shaxmat doskalarini taqdim etgan.