Joriy yil yakuniga qadar yurtimizda umumiy quvvati 1 474 MVt boʻlgan 7 ta yangi elektr stansiya, shundan 6 ta issiqlik (IES) va 1 ta quyosh fotoelektr stansiyalari (FES) ishga tushiriladi. Bu haqida Energetika vazirligi Matbuot xizmati xabar bermoqda.

Qayd etilishicha, yanvar oyida Buxoro viloyatida 270 MVt va Toshkent viloyatida 240 MVt boʻlgan 2 ta yangi issiqlik elektr stansiyalari ishga tushirilgan. Aprel oyiga qadar Samarqand viloyatida 100 MVt quvvatli quyosh fotoelektr stansiyasi ishga tushirilishi rejalashtirilgan.

Shuningdek, Toshkent viloyatida 230 va 240 MVt quvvatli 2 ta va Xorazm viloyatida 174 MV quvvatli 1 ta issiqlik elektr stansiyalari mart oyida, Sirdaryo viloyatida 220 MVt quvvatli issiqlik elektr stansiyasi yil yakuniga qadar ishga tushiriladi. Buning natijasida Oʻzbekiston energetika tizimining amaldagi umumiy quvvati 16 000 MVtdan oshadi.