Shavkat Mirziyoyev huzurida mashinasozlik sanoatida amalga oshirilayotgan ishlar va 2022-yildagi ustuvor vazifalar muhokamasiga bagʻishlangan yigʻilish davom etmoqda.

Prezident yigʻilishda yana bir masala — jahonda elektromobillar ishlab chiqarish jadal rivojlanib, avtomobil bozorida salmoqli oʻrin egallayotganini taʼkidladi.

“Biz ham bu sohada ortda qolmasligimiz uchun amaliy ishlarni hozirdan boshlashimiz kerak”, — dedi davlatimiz rahbari.

Mutasaddilarga uch oy muddatda elektromobil tarmogʻini rivojlantirish strategiyasini kiritish topshirildi. Bunda:


● elektromobillar uchun butlovchi qism va materiallarni mahalliylashtirish dasturini;


● elektromobillar uchun texnik talab va zamonaviy standartlarni ishlab chiqish vazifasi qoʻyildi.


Shuningdek, yil yakuniga qadar xorijiy kompaniyalar bilan muzokaralarni yakunlab, strategik hamkor bilan loyihani boshlash yuzasidan koʻrsatma berildi.