Yakkasaroy tumanining Bobur koʻchasida yoʻl taʼmirlash ishlari boshlandi. Rejaga muvofiq, Islom Karimov va Bobur koʻchasi kesishmasidan Bobur koʻchasi boʻylab Bobur va Nukus koʻchalari kesishmasigacha boʻlgan oraliqda veloyoʻlak barpo etiladi. Bu haqida Toshkent shahar hokimligi axborot xizmati xabar berdi.

Taʼkidlanishicha, avtomobillar qatnov qismining oʻrtasida bordyurlar bilan mustahkamlangan yashil maydonlar tashkil qilinadi.

Shuningdek, "taʼmirlash ishlari jarayonida qatnov qismining bitta yoʻlagi qisman yopilishi mumkin" deyiladi xabarda.