Isteʼdodli shoira, “Zulfiya” mukofoti sovrindori Mehrinoz Abbosova Yoshlar ishlari agentligi rahbarining maʼnaviy-maʼrifiy ishlar samaradorligini oshirish, davlat tili toʻgʻrisidagi qonun hujjatlariga rioya etilishini taʼminlash masalalari boʻyicha maslahatchisi etib tayinlandi.

U bunga qadar Agentlik qoshidagi Yosh ijodkorlar kengashi rahbari sifatida faoliyat yuritayotgan edi.

Mehrinoz Abbosova 1995-yili tugʻilgan. Oʻzbekiston davlat jahon tillari universiteti xalqaro jurnalistika fakultetini tamomlagan. Shoiraning “Men yoshlikman”, “Yulduzrang qoʻshiqlar” nomli kitoblari chop etilgan.