Ayni kunlarda yurtimizda Mustaqilligimizning 30 yilligi munosabati bilan “Yangi O‘zbekistonda erkin va farovon yashaylik!” g‘oyasini o‘zida mujassam etgan tashkiliy-amaliy, ma’naviy-ma’rifiy hamda targ‘ibot-tashviqot tadbirlari ko‘tarinki kayfiyatda olib borilmoqda.

Respublika Ma’naviyat va ma’rifat markazi hamda Davlat bojxona qo‘mitasi hamkorligida Bojxona institutida “Tarixi qadim, kelajagi porloq O‘zbekistonim!” mavzusida bojxona xizmati idoralari tarkibiy tuzilmalari uchun onlayn ma’rifiy tadbir o‘tkazildi.

         Mazkur tadbirda Respublika Ma’naviyat va ma’rifat markazi targ‘ibotchilari, ijodkorlar, san’atkorlar, mehnat faxriylari hamda bojxona xizmati idoralari xodimlari ishtirok etdi.  

Tadbirda so‘z olganlar mamlakatimizda olib borilayotgan keng ko‘lamli xalqchil islohotlar, mustaqillikni qo‘lga kiritishdagi mashaqqatli hayot yo‘li to‘g‘risida fikr yuritdilar.