Yigʻilishda Yunusobodning Yunus-ota koʻchasida 2020-yilda 4 ta avtohalokat sodir boʻlgan boʻlsa, 1 dona svetofor oʻrnatish orqali 2021-yilda birorta avariya boʻlmagani, Kichik halqa yoʻlining Lak-boʻyoq korxonasi qarshisida qarama-qarshi yoʻlni ajratuvchi toʻsiq oʻrnatish orqali avariyalarga barham berilgani misol qilib keltirildi.

“Mana sizga ilmiy yondashuv va oddiy tahlil bilan yechim”, dedi davlatimiz rahbari.

Poytaxt va yirik shaharlardagi markaziy koʻchalarda tezlik cheklovlarini ilmiy asoslanib belgilash lozimligi qayd etildi.

Jumladan, maktab va bogʻchalar oldida tezlik 30 kilometrdan oshmasligi shart. Ayrim gavjum koʻchalarda esa hozirgi 70 kilometr soatdan 60 kilometrgacha tushirish zarurati borligi koʻrsatib oʻtildi.