Toshkent shahridagi Oʻsh koʻchasining bir qismi avtomobillar harakati uchun yopiladi. Bu haqida poytaxt hokimligi xabar berdi.

Yashnobod tumanining Oʻsh koʻchasi boʻylab “Qorasuv” kanali ustidan oʻtuvchi avtomobil yoʻli koʻprigi rekonstruksiya qilinadi. Shu sababli Oʻsh koʻchasi “Doʻstlik” madaniyat va istirohat bogʻi koʻprigi bilan kesishmasidan Boysun koʻchasi kesishmasigacha va undan Oʻsh 1-tor koʻchasi kesishmasigacha boʻlgan oraliq joriy yilning 11-fevralidan mart oyi oxirigacha avtomobillar harakati uchun yopiladi.