Toshkent viloyati Angren shahar 3-yongʻin-qutqaruv qismi dispetcherlik xizmatiga fuqaroning quduqqa tushib ketgani haqida xabar kelib tushgan.

Maʼlum boʻlishicha, fuqaro V.B. ichimlik suvini chiqarish uchun moʻljallangan chuqurligi 16 metr boʻlgan quduq ichiga tushib ketgan kuchuk bolasini olib chiqmoqchi boʻlgan. Ammo u osilib tushayotgan arqon kutilmaganda uzilib ketishi natijasida quduqqa tushib ketgan.

Qutqaruvchilarning saʼy-harakatlari natijasida fuqaro va kuchuk bolasi quduq ichidan olib chiqildi.