AQSHning General Motors kompaniyasi “Spark” rusumli avtomobillarni ishlab chiqarishni toʻxtatadi. Bu haqida kompaniya matbuot xizmati xabar berdi.

Maʼlum qilinishicha, 2021-yilda ushbu modelning sotuvi keskin pasayib ketgan va shu sababli ishlab chiqarishni toʻxtatishga qaror qilingan. Model 2022-yildan boshlab ishlab chiqarilmaydi.

Shuningdek, General Motors Spark oʻrniga Trax rusumli avtomobil ishlab chiqaradi. Ammo, Oʻzbekistonda “Spark” ishlab chiqarishni toʻxtatib qoʻyishi hozircha nomaʼlum, chunki bu model mamlakatda eng ommabop va budjetli modellardan biri hisoblanadi. Katta ehtimol bilan “UzAuto Motors” AJ General Motorsdan bir necha yil oʻtib “Spark” ishlab chiqarishdan  voz kechishi mumkin.