Qashqadaryo viloyatidan chiqarilmayotgan chigit muammosi Monopoliyaga qarshi kurashish qoʻmitasi tomonidan hal etildi. Bu haqida qoʻmita axborot xizmati xabar berdi.

Qayd etilishicha, qoʻmita tomonidan masalaga oydinlik kiritish maqsadida Qashqadaryo viloyati hokimiyati va Qashqadaryo viloyati IIBga soʻrovnoma yuborilgan. Qashqadaryo viloyati masʼullari va qoʻmita xodimlari tomonidan bir necha marotaba onlayn uchrashuvlar oʻtkazilib, surishtiruv ishlari olib borilgan.

Qoʻmitaning koʻrsatma qaroriga binoan hozirgi kunda Qashqadaryo viloyatining tegishli korxonalari tomonidan birja savdolariga qoʻyilgan chigit mahsulotlari tadbirkorlar tomonidan Qashqadaryo viloyatidan olib chiqib ketilgan.