Ichki ishlar vazirligi Toshkent viloyati IIBBda xizmat qilayotgan to‘rt egizak farzandi bor xodimga 3 xonali uy sovg‘a qildi, deb xabar bermoqda boshqarma matbuot xizmati.

Ta’kidlanishicha, Toshkent viloyati IIBB Yo‘l harakati xavfsizligi boshqarmasi Yo‘l-patrul xizmati batalyoni videokuzatuv guruhi kichik inspektor-operatori safdor Odiljon Abdullayev bir yo‘la 4 nafar egizak farzandning otasiga aylangan.

Odiljon Abdullayev oilasida to‘rt egizak dunyoga kelgani to‘g‘risida avvalroq xabar berilgandi. Ular 2 yoshli qizalog‘ini tarbiyalab kelayotgandi. Endilikda 5 nafar farzandning ota-onasiga aylangan. Egizaklar 2 o‘g‘il va 2 qiz bo‘lib, aprel oyida tug‘ilgan edi.