Bugun, 1-fevral kuni soat 15:15 atrofida Jizzax viloyati Favqulodda vaziyatlar boshqarmasi Tezkor boshqaruv markaziga Zomin shahrida joylashgan kutubxonada yongʻin sodir boʻlayotganligi toʻgʻrisida maʼlumot kelib tushgan.

Yongʻin sodir boʻlgan joyga 2 ta qutqaruvchilar boʻlinmasi yuborilgan. Tezkor harakatlar natijasida yongʻin toʻliq bartaraf etilib, yongʻindan keyingi tozalash ishlari bajarilmoqda.

Aniqlanishicha, foydalanishga topshirilmagan bino ichida kitoblar boʻlmagan. Hozirda yongʻin sababi va koʻrilgan moddiy zarar miqdori aniqlanmoqda.