Xalq taʼlimi vazirligi matbuot xizmatining xabar berishicha, vazir Baxtiyor Saidov boshchiligida oʻtkazilgan yigʻilishda Toshkent shahar xalq taʼlimi bosh boshqarmasi boshligʻi vazifasini vaqtincha bajarish Yashin Sultonovga yuklatildi.

Mazkur tayinlovga qadar Yashin Sultonov Xalq taʼlimi vazirligi tasarrufidagi “Oʻquv-taʼlim-taʼminot” DUK direktori vazifasida faoliyat yuritgan.

Yigʻilishda yangi rahbarga poytaxt maktablarida taʼlim sifatini yaxshilash, maktab taʼlimini rivojlantirish hamda namunaviy darajaga olib chiqish borasida tegishli vazifalar yuklatilgan.