Bu haqida “Oʼzbekiston 24” telekanalida Prezident Shavkat Mirziyoyevning haftalik faoliyatiga bagʻishlangan “Menimcha” dasturida maʼlum qilindi.

Qayd etilishicha, Prezident Oʻzbekistonning 2022-2026-yillarga moʻljallangan taraqqiyot strategiyasining muhokamasiga bagʻishlangan videoselektorda yangi tashkil etilayotgan ixtisoslashgan maktablar masalasiga toʻxtalgan. 

“Mana Prezident maktablariga shuncha bola kirdi, bir oʻringa yuzta boʻldi. Men aytaman: kirolmagan 99tasi qani? U ham Oʻzbekiston fuqarosi, ota-onasi umid bilan tarbiya qildiku. Shuning uchun, oʻylab-oʻylab ixtisoslashgan maktablar qilib ularni oʻqityapmiz. Bu ham bir yangi Oʻzbekistonning yangi tizimi”, degan davlat rahbari.