Ogʻir atletika boʻyicha Tokio-2020 Olimpiya oʻyinlari va jahon chempioni Akbar Joʻrayev “Yil talabasi- 2021” koʻrik – tanlovining “Yilning eng yaxshi sportchi-talabasi” nominatsiyasi gʻolibi boʻldi. Bu haqida Oʻzbekiston davlat jismoniy tarbiya va sport universiteti matbuot xizmati xabar berdi.

Oliy va oʻrta maxsus taʼlim vazirligi tomonidan oʻtkazilgan “Yil talabasi- 2021” koʻrik – tanlovining “Yilning eng yaxshi sportchi-talabasi” nominatsiyasida Oʻzbekiston davlat jismoniy tarbiya va sport universitetining Koʻpkurash fakulteti “Ogʻir atletika” taʼlim yoʻnalishi 3-bosqich talabasi Akbar Joʻrayev 1-oʻringa munosib topilgan.