Ayni vaqtda Prezident raisligidagi videoselektor yigʻilishi boʻlib oʻtmoqda. Unda Shavkat Mirziyoyev maʼnaviyatning davlat va jamiyat hayotidagi oʻrni masalasiga toʻxtaldi.

“Maʼnaviyat – jamiyatdagi barcha siyosiy-ijtimoiy munosabatlarning mazmuni va sifatini belgilaydigan poydevordir. Bu poydevor qancha mustahkam boʻlsa, xalqimiz ham, davlatimiz ham shuncha kuchli boʻladi”, dedi davlatimiz rahbari.

Shuningdek, “Kimki maʼnaviyat masalasi – bu faqat Maʼnaviyat va maʼrifat markazi yoki tegishli vazirlik va idoralarning ishi deb oʻylasa, xato qiladi” , dedi Prezident.

Strategiyaning maʼnaviy taraqqiyotni taʼminlash va sohani yangi bosqichga olib chiqish yoʻnalishi boʻyicha Prezident quyidagi vazifalarning ahamiyatini alohida qayd etdi:

- mavjud 12 mingdan ziyod kutubxona imkoniyatlaridan samarali foydalanib, kitobxonlikni ommalashtirish;

- jismoniy tarbiya va sport bilan muntazam shugʻullanadigan aholi sonini 33 foizga yetkazish;

- mamlakatimizda Olimpiya va Paralimpiya harakatini yanada rivojlantirish.