Prezident Shavkat Mirziyoyev tashabbusi bilan 100 nafar faxriy va fidoyi vatandoshlarga Haj ziyorati uchun bepul yo‘llanmalar taqdim qilindi.

Qayd etilishicha, yo‘llanmalar bilan birga Haj uchun zarur bo‘ladigan to‘plamlar ham topshirilmoqda. “Prezident hojilari” sifatida e’tirof etilayotgan ushbu guruh a’zolari ayni kunlarda safarga tayyorgarlik ko‘rmoqda.

Musulmonlar idorasi vakili ta’kidlashicha, “O‘zbekiston tarixida bunday tashabbus hali bo‘lmagan. Hajga ketayotganlar orasida har bir sohadan vakil – obodonlashtirish xodimlaridan tortib, el tanigan olimlar va shifokorlargacha bor".