2026-yilning yanvar–fevral oylarida 4 mingga yaqin O‘zbekiston fuqarolari xorijga ta’lim olish maqsadida safar qildi. Ammo bu o‘tgan davrga nisbatan qisqargan. Bu haqda Milliy statistika qo‘mitasi xabar berdi.

Ma’lumotlarga ko‘ra, ushbu davrda jami 3 964 nafar fuqaro chet elga o‘qish uchun chiqqan. Bu ko‘rsatkich 2025 yilning shu davriga nisbatan 1,2 ming nafarga kam bo‘lib, 23,6 foizlik pasayishni tashkil etgan.

Mazkur davrda O‘zbekiston fuqarolari o‘qish maqsadida eng ko‘p borgan davlatlar:

Rossiya – 989 nafar;

Koreya – 679 nafar;

Qirg‘iziston – 639 nafar;

Turkiya – 300 nafar;

Tojikiston – 276 nafar;

Xitoy – 252 nafar;

Boshqa davlatlar – 829 nafar.