Ijtimoiy tarmoqlarda mashina oynasidan tanasini chiqarib ketayotgan qizlarning videosi tarqalgan. Yoʻl harakati xavfsizligi xizmati xabariga koʻra, hozirda ular topilib, jazoga tortilgan.

“Qoʻshiq qoʻygandik mashinada. Oʻrtogʻim oldi oynadan chiqdi. Men orqada oʻtirgandim. Menga gap tegizdirdi, sen chiqolmaysan deb. Keyin men ham chiqdim. Shu bilan qaytib tushdik. Qilgan ishimdan pushaymonman”, — degan qizlardan biri.

Mazkur qizlarga nisbatan Maʼmuriy javobgarlik toʻgʻrisidagi kodeksning 138-moddasi (piyodalar va yoʻl harakati boshqa ishtirokchilarining yoʻl harakati qoidalarini buzishi) 4-qismi tartibida chora koʻrilgan.