Vazirlar Mahkamasining tegishli qarori bilan Feruza Ro‘zimboyevna Madrahimova Urganch davlat universiteti rektori etib tayinlandi. Bu haqda Oliy ta’lim, fan va innovatsiyalar vazirligi xabar berdi.

Qayd etilishicha, Feruza Madrahimova ushbu tayinlovga qadar Urganch davlat pedagogika instituti rektori lavozimida faoliyat olib borgan.

Shuningdek, hukumat qarori bilan Rustambek Rasulovich Tojiyev Farg‘ona davlat texnika universiteti rektori etib tayinlandi.

U tayinlovga qadar Oziq-ovqat texnologiyasi va muhandisligi xalqaro instituti rektori lavozimida ishlagan.