Birlashgan Arab Amirliklari mamlakatga kirish niyatida boʻlgan Oʻzbekiston va Tojikiston fuqarolariga cheklovlar qoʻydi. Bu haqida Uzbekistan Airways xabar qildi.

Qayd etilishicha, endi ushbu ikki mamlakat fuqarolari BAAga joʻnab ketishdan 48 soat avval olingan PZR testning manfiy natijasini taqim etishi kerak. Bundan tashqari, Dubay va Sharjaga yetib kelgandan soʻng, aeroportda yana PZR testidan oʻtadi.

Yoʻlovchi test natijasini olmaguniga qadar oʻzini izolyatsiya qilishi talab etiladi.

Qoidalar 17-yanvardan boshlab kuchga kirgan.