Oʻzbekfilm kinokonsernida Oʻzbekiston kinematografiya agentligi tomonidan Davlat xavfsizlik xizmati Chegara qoʻshinlari bilan hamkorlikda yaratilgan “Mehr” badiiy filmining premyerasi oʻtkazildi. 

Mazkur kinokartina chegarachilar hayoti, ularning chegara ortidagi mashaqqatli zahmati va kasbiga boʻlgan fidoyiligi haqida suratga olingan. 

Film Turkiyaning Gaziantep, Suriyaning Aleppo shahrida va Oʻzbekistonning turli hududlarida suratga olingan.

Film bosh prodyuseri Firdavs Abduxoliqov, ssenariy muallifi va postanovkachi rejissyor Hilol Nasimov.

“Mehr” filmida Bobur Yoʻldoshev, Fotih Nasimov, Zumrad Eshonqulova, Angelina Tursoatova, Raʼno Shodiyeva, Vazira Yunusova, Bahrom Usmonov kabi oʻzbek aktyorlar bilan birga taniqli turk aktyorlari Ekrem Ispir, Ahmet Serkan, Oʻzturk Sezay va boshqalar rollar ijro etgan.