Tadbirkorlik subyektlarining elektr tarmoqlariga ulanish tartibi soddalashtiriladi

Saqlash
13:08 / 20.08.2021 842 0

    Ochiq muloqotda elektr tarmoqlariga ulanishdagi jarayonlarning murakkabligi,  muddatlar uzoqligi  va xarajatlar yuqoriligi,  tadbirkorlarning haqli e’tiroziga sabab bo‘layotgani aytildi.

    Iste’molchilarning 75 foizi  20 kilovattgacha quvvatli elektr ishlatadigan kichik syexlar, savdo va umumiy ovqatlanish korxonalari hisoblanadi. Lekin ularga ham  xuddi yirik korxonalar bilan bir xil talablar qo‘yilgan. Misol uchun,  oddiy savdo do‘konini elektr tarmog‘iga ulash uchun  4 ta bosqichdan o‘tish, 7 million so‘m xarajat  va bunga kamida bir oy vaqt talab etiladi.

   Kelgusi yil boshidan elektr tarmog‘iga ulanish to‘liq elektron platformaga o‘tkaziladi va barcha jarayonlar, bir bosqichga tushiriladi. Tadbirkorlarni elektr tarmog‘iga ulash muddati,  20 kilovattgacha bo‘lgan quvvatlar uchun – 10 kun, 50 kilovattli quvvatlar uchun esa  20 kun etib belgilanadi. Ushbu ishlar  Davlat xizmatlari markazlari orqali tashkil etilib,  muntazam nazorat qilib boriladi.

  “Agar elektr ta’minoti korxonasi ishlarni muddatida yakunlamasa, ular tadbirkorlarga kompensasiya to‘laydi”, dedi Prezident.

Izoh yo‘q

Izoh qoldirish