Qozogʻizston Prezidenti Qosim-Jomart Toqayev 14−16-noyabr kunlari Oʻzbekistonga davlat tashrifi doirasida Qozogʻiston delegatsiyasiga koʻrsatilgan iliq mehmondoʻstlik uchun Oʻzbekiston Prezidenti Shavkat Mirziyoyevga minnatdorlik bildirdi, deb xabar berdi Akorda.

Maktubda Qozogʻiston va Oʻzbekiston oʻrtasidagi strategik sheriklik va ittifoqchilik munosabatlarini mustahkamlashga kuchli turtki bergan mazkur tashrifning tarixiy ahamiyati qayd etildi.

Toqayev shuningdek, Toshkent shahrida Markaziy Osiyo davlatlari rahbarlarining VII Maslahat uchrashuvi tashkil etilganini ham yuksak baholadi.

Unga koʻra, mintaqaviy hamkorlikning butun spektri boʻyicha mazmunli muhokamalar, qabul qilingan muhim qarorlar va hujjatlar, shuningdek, Ozarbayjonning toʻlaqonli ishtirokchi sifatida qoʻshilishi forumga strategik ahamiyatga ega tadbir maqomini berdi.