Xayrullayeva Feruza Nurmat qizi Oyina.uz portali bosh muharriri lavozimiga tayinlandi. U bungacha Oyina.uz portali bosh muharriri oʻrinbosari lavozimida ishlab kelgan.

Feruza Xayrullayeva 1993-yil 19-iyun kuni Samarqand viloyati Payariq tumani Tuyatosh qishlogʻida tugʻilgan. 2017-yili Mirzo Ulugʻbek nomidagi Oʻzbekiston Milliy universiteti jurnalistika fakulteti bakalavriatini, 2019-yili magistratura bosqichini tugatgan.

U ish faoliyatini 2017-yili “Hurriyat” gazetasida boshlab, Respublika Yosh ijodkorlar kengashi, “Kino san’ati” jurnali, Yangihayot tuman hokimligi matbuot xizmatida turli lavozimlarda ishlagan.

Anʼanaviy “Zomin” seminari respublika bosqichi ishtirokchisi (2017), “Eng ulugʻ eng aziz” tanlovi respublika bosqichi g‘olibi (2023), Zulfiya mukofoti sovrindori (2022).