Ayni damda Gretsiyada 43-Bolqon Matematika Olimpiadasi (BMO) bo‘lib o‘tmoqda. Unda O‘zbekiston terma jamoasi 5 ta oltin medal bilan tarixiy natijani qayd etdi. Bu haqda Fan olimpiadalari markazi o‘z sahifasida e’lon qildi.

G‘oliblar ro‘yxati bilan quyida tanishing:

– Azizbek Mamajonov – Al-Xorazmiy nomidagi IM Guliston filiali – oltin medal;

– Umarbek Ubaydullayev – Sergeli tumani IM o‘quvchisi – oltin medal;

– Javohir Anvarov – Termiz shahar 14-sonli maktab o‘quvchisi – oltin medal;

– Elshod O‘ralov – Termiz shahar 14-sonli maktab o‘quvchisi – oltin medal;

– Elbek Zohidjonov – Al-Xorazmiy nomidagi IM o‘quvchisi – oltin medal.

Eslatib o‘tamiz, 2025-yili Bosniya va Gersegovinada o‘tkazilgan 42-Bolqon Matematika Olimpiadasida Terma jamoa a’zolari 1 ta oltin va 4 ta kumush medallar bilan taqdirlangan edi.