O‘zbekiston Respublikasi Davlat xavfsizlik xizmati, Ichki ishlar vazirligi hamda Din ishlari bo‘yicha qo‘mita tomonidan taqiqlangan diniy materiallardan ogohlantirish va xabardor qilish tizimi – din.uzbbot maxsus chat-boti ishga tushirildi. Bu haqda Diniy qo‘mita matbuot xizmati e’lon qildi.

Qayd etilishicha, ushbu platforma orqali fuqarolar diniy materiallarning dinshunoslik ekspertizasi xulosasi mavjud yoki mavjud emasligini, shuningdek, ayrim shaxs va tashkilotlar faoliyati qonunchilikka muvofiq yoki taqiqlanganini tekshirish imkoniyatiga ega bo‘ladi.

Shuningdek, foydalanuvchining o‘zi biror manba haqida so‘rov yuborib, u haqida ham ma’lumot olishi mumkin. Bot hozircha test rejimida ishlamoqda.

Botdan foydalanish bo‘yicha quyida havola orqali tanishishingiz mumkin.