Uzbekistan Airways Namangandan Rossiyaning 8 ta shahriga “toʻliq ekonom” formatida parvozlarni boshlaydi. Bu haqda aviakompaniya matbuot xizmati xabar berdi.

Qayd etilishicha, 2022-yil 30-yanvardan boshlab Uzbekistan Airways Express havo kemalarida «toʻliq ekonom» formatida Namangandan Moskva, Perm, Samara, Omsk, Orenburg, Irkutsk, Krasnodar va Yekaterinburgga toʻgʻridan-toʻgʻri aviaqatnovlarni amalga oshiradi.

Ilk aviaqatnov 30-yanvar kuni Uzbekistan Airways Airbus 320 havo kemasida toʻgʻridan-toʻgʻri Namangandan Permga amalga oshiriladi.

Xabarda taʼkidlanishicha, Namangandan Permga 1 million 656 ming 217 soʻmdan boshlab sayohat qilish mumkin boʻladi.