Oʻzbekistonga koronavirusning “Omicron” shtammi kirib kelgani munosabati bilan maktabgacha taʼlim tashkilotlarida vaqtinchalik cheklovlar oʻrnatiladi. Bu haqida Maktabgacha taʼlim vazirligi axborot xizmati xabar berdi.

Qayd etilishicha, davlat maktabgacha taʼlim tashkilotlarida bayram tadbirlari oʻtkazilishi vaqtinchalik cheklanadi.

Shuningdek, tashkilotga ota-onalar va tashqaridan mehmonlar kirishiga yoʻl qoʻyilmaydi (zarur vaziyatlarda soʻnggi uch kunlik PSR testi va emlanganligi haqida sertifikati boʻlishi lozim);

– yigʻilishlar oʻtkazilishi cheklanadi, zarur hollarda yigʻilishlarni videokonferensaloqa rejimida oʻtkazish choralari koʻriladi;

– mazkur cheklovning buzilishiga yoʻl qoʻyilgan taqdirda tegishli tartibda javobgarlik choralari (hayfsan, jarima va b.q.) qoʻllaniladi.