Respublika Ma’naviyat va ma’rifat markazi hamda Bojxona instituti hamkorligida “Ta’zim qiling ona Vatanga!” mavzusida madaniy-ma’rifiy tadbir tashkil etildi.

Tadbirda institut boshlig‘i Vosidjon Ergashev, markaz bo‘lim boshlig‘i Maxfirat Zikirova, “Ma’rifat” targ‘ibotchilar jamiyati a’zosi Sayyora To‘ychiyeva so‘zga chiqib, mustaqillik yillarida har qanday tahdid va xatarlarga munosib zarba berishga tayyor milliy armiyamiz xalqimizning ishonchli va mustahkam qalqoniga aylangani, mard o‘g‘lonlarimiz el-yurt osoyishtaligini ta’minlayotganini ta’kidlab o‘tishdi.

Mudofaa vazirligi ashula va raqs ansamblining solisti, podpolkovnik Marat Hakimov hamda “Veteran” jangchi faxriylar birlashmasining “Vatanparvar” jamoasi badiiy rahbari Alisher Hamroyev tomonidan vatanni madh etuvchi kuy-qo‘shiqlar ijro etildi.