Poytaxtimizdagi “O‘zbekiston” xalqaro anjumanlar saroyida Prezident Shavkat Mirziyoyevning tadbirkorlar bilan ochiq muloqoti davom etmoqda. Unda mamlakat rahbari yurtimizda 1.5 million tadbirkor faoliyat yuritayotgani, ular 5 million kishini ish bilan ta’minlaganini e’tirof etdi.

    — Bugungi muloqotga tayyorgarlik davrida, ko‘plab savol va takliflar tushganligi sababli, murojaatlarning qabul muddatini 1-avgustdan 10-avgustga qadar, ya’ni 10 kunga uzaytirishga majbur bo‘ldik.

    Tadbirkorlardan 15 mingdan ortiq savol, taklif va tashabbuslar kelib tushdi va shu kungacha, joylarda ularning ko‘pchiligi hal etildi, – deya ta'kidladi Prezident.