7-9-may kunlari Toshkent shahrida "Tashkent Flowers Fest — 2026" — gullar bayrami o'tkazilishi sababli O'zbekiston Milliy kutubxonasi oldidagi maydonga tutash quyidagi hududlarda 2-maydan 11-maygacha transport vositalari harakati cheklanadi. Bu haqda Toshkent shahar hokimligi xabar berdi.

Transport harakati cheklanadigan hududlar:

— Zarafshon ko'chasining "Hyatt  Regency Tashkent" mehmonxonasi qo'riqlash punkti va Mustaqillik shoh ko'chalari oralig'idagi qismi;
— Istiqlol ko'chasining A.Temur shoh va Buyuk Turon ko'chalari oralig'idagi qismi;
— Buyuk Turon ko'chasining Istiqlol ko'chasi kesishmasidan Yoshlar ijod saroyigacha bo'lgan qismi.