Yoshlarni har tomonlama qo‘llab-quvvatlash, ularda yuksak vatanparvarlik hissini shakllantirish hamda mafkuraviy immunitetini yanada mustahkamlash maqsadida O‘zbekiston Respublikasi Milliy gvardiyasi, Yoshlar ishlari agentligi hamda Respublika Ma’naviyat va ma’rifat markazi o‘rtasida o‘zaro hamkorlik memorandumi imzolandi.

Memorandum doirasida quyidagi asosiy maqsad va vazifalar belgilab olindi:

1. “Maktab–mahalla–oila” tamoyili asosida yoshlar bilan ishlash tizimini kuchaytirish;

2. “Jasorat maktablari” o‘quvchilari o‘rtasida qiziqarli harbiy-sport musobaqalarini tashkil etish;

3. Muddatli harbiy xizmatni o‘tab qaytgan yoshlar bandligini ta’minlash, ularni kasb-hunarga va ta’limga yo‘naltirish;

4. Yoshlar o‘rtasida huquqbuzarliklarning oldini olish hamda ularning bo‘sh vaqtini mazmunli tashkil etish.