Bu yil Mustaqillik kuni munosabati bilan qo‘shimcha dam olish kunlari belgilanmagan, dam olish kunlarining ko‘chirilishi ham nazarda tutilmagan. Bu haqda Kambag‘allikni qisqartirish va bandlik vazirligi matbuot xizmati ma’lum qildi.

Xabarga ko‘ra, 1-sentabr – Mustaqillik kuni bayrami munosabati bilan:

– 5 ish kuni ishlovchilar 3 kun – 30-avgust (shanba), 31-avgust (yakshanba) va 1-sentabr (bayram) kunlari;

– 6 ish kunida ishlovchilar 2 kun – 31-avgust (yakshanba) va 1-sentabr (bayram) kunlari dam oladi.

“Qo‘shimcha dam olish kunlari belgilanmagan va dam olish kunlari ko‘chirilmagan”, deyiladi vazirlik xabarida.