O‘zbekiston milliy terma jamoasining bozor narxi 70 mln yevro(anig‘i – 69.58 mln yevro)ga yaqinlashgani ma’lum bo‘ldi.

Bu summa Markaziy Osiyoda joylashgan davlatlar ichida eng yuqorisi hisoblanadi.

Misol tariqasida, quyida terma jamoalarning bozor narxlari keltirilgan (2025 yil):

▪️ O‘zbekiston: 69.58 mln yevro;

▪️ Qozog‘iston: 15.53 mln yevro;

▪️ Qirg‘iziston: 6.65 mln yevro;

▪️ Tojikiston: 7.68 mln yevro;

▪️ Turkmaniston: 2.75 mln yevro;

Tahlilda O‘zbekiston milliy terma jamoasining 2021-yildan boshlab FIFA reytingida qanday ko‘rsatkichlar qayd etgani aytiladi.

Jumladan, 2021-yilda O‘zbekiston ushbu reytingning 85-pog‘onasini band qilgan. 2025-yilga kelib esa jami 27 ta pog‘ona yuqorilab, 58-o‘rindan joy olgan.

Shuningdek, qo‘shni davlatlar – Tojikiston va Qozog‘iston ham reytingda yaxshilanish qayd etgan. Qirg‘iziston va Turkmaniston esa pasayishni boshdan kechirdi.

Tahlilda yozilishicha, O‘zbekistonning yuqori narxi legionerlar va yosh iste’dodlarning muvaffaqiyati bilan bog‘liq.