Markaziy Osiyo mamlakatlari qoʻshma telekanal va media-platforma yaratishni rejalashtirmoqda. Bu haqda Qozogʻiston respublikasi Madaniyat va axborot vaziri Aida Balayeva Ostona shahrida boʻlib oʻtayotgan II Markaziy Osiyo media-forumida maʼlum qildi.

“Davlat rahbarlarining faol va yaqin hamkorligi tufayli bugungi kunda qardosh mamlakatlar oʻrtasidagi munosabatlar juda yuqori darajada. Bizning vazifamiz bu impulsdan oʻz sohamizda oʻzaro munosabatlarni chuqurlashtirishda foydalanishdir” – deydi vazir.

 

U shuningdek, Oʻzbekiston bilan 2025-yilga qadar amalga oshiriladigan hamkorlik rejasi imzolanganini maʼlum qildi. Xususan:

- Kontent almashinuvi;

- Treninglar;

- Feyklarga qarshi kurash;

- Yosh jurnalistlarni qoʻllab-quvvatlash

Aida Balayeva axborot sohasidagi hamkorlik masalasi mintaqa rahbarlari darajasida ham bir necha bor koʻtarilganini taʼkidlab, Markaziy Osiyoning boshqa davlatlarini ham mazkur tashabbusga qoʻshilishga chaqirgan.