1 kishi bir kunda 10 ming qadam yursa, sogʻlom boʻladi degan tushuncha yillar davomida targʻib qilindi. Toʻgʻri, 10 ming qadam yurish foydali, ammo buncha masofani hamma ham bosib oʻta olmaydi-ku.

Yaponlar aynan mana shu muammoga juda yaxshi yechim taklif qildi. Gap shundaki, ular piyoda yurishni yanada samaraliroq qilish yoʻlini oʻylab topdi. Bu usul bilan kishi 3 ming qadam yoʻl bosadi, ammo 10 ming qadam yurgan kabi foyda oladi.

Xullas, buning uchun 3 daqiqa sekin yuriladi, keyingi 3 daqiqada esa yurish tezlashadi. Soʻng yana 3 daqiqa sekinlashib, keyin yana 3 daqiqa tezlashadi. Mazkur tartib qayta-qayta takrorlanaveradi.

Buning yordamida organizmda quyida ijobiy oʻzgarishlar boʻladi:

▪️ Qon bosimi 4 baravar yaxshilanadi;

▪️ Yurak kasalligi xavfi 40 foizga kamayadi;

▪️ Depressiya alomatlari yengillashadi;

▪️ Uyqu sifati 12 foizga yaxshilanadi.

Ushbu yurish usulini bajarishda quyidagi tartibga amal qilish talab etiladi:

➖ kuniga 30 daqiqa yurish (bu taxminan 3 yoki 4 ming qadam degani);

➖ 3–5 daqiqa yengil qizib olish kerak;

➖ shundan soʻng yuqoridagi tizim boʻyicha yurish tartibi bajariladi (3 daqiqa sekin, 3 daqiqa tez yurish).

Shuningdek, bu harakatni yanada kengaytirish mumkin. Masalan:

▪️ qoʻshimcha qarshilik koʻrsatish uchun tepalikka tez chiqish;

▪️ ogʻirroq kiyim kiyish (tana vaznining 10-15 foizga teng);

▪️ 30 daqiqa emas, 40-45 daqiqa yurish orqali chidamlikni oshirish;

▪️ yurish davomida “gapirish testi”dan foydalanish.