Fransiya Prezidenti Yelisey saroyidagi qabul marosimida oʻzbekcha gapirdi, shuningdek, Instagram sahifasida ham oʻzbek tilida izoh qoldirdi.

“Parijga xush kelibsiz, hurmatli Shavkat!” deya Makron Oʻzbekiston prezidentini Fransiyaga tashrifi bilan tabrikladi.

“Mazkur davlat tashrifi bilan birga, biz Fransiya va Oʻzbekiston oʻrtasidagi doʻstlik rishtalarini yanada yuksaltirib, kelajakka yoʻnaltirilgan sheriklik uchun berilgan vaʻdani bajaramiz.

Yashasin Oʻzbekiston, yashasin Fransiya!”, deya qoʻshimcha qilgan Fransiya prezidenti oʻz Instagram sahifasida.

Fransiya rahbari, Instagram sahifasiga Shavkat Mirziyoyevga fransiyalik fotograf Pol Nadar tomonidan tushirilgan suratni sovgʻa qilgani va Yeliseyda oʻzbekcha nutq soʻzlagani videolarini ham joylashtirgan.