Joʻqorgʻi kenges (Qirgʻiziston parlamenti) yigʻilishida Deputat Bakitbek Maripov mamlakat poytaxtini koʻchirib, oʻsha yerga Vazirlar mahkamasini joylashtirishni taklif qildi. Uning fikricha, shu tariqa smog va tirbandlik muammosidan qutilish mumkin.

Maripov shuningdek, Bishkekda ikki boshli mer paydo boʻlgan taqdirda ham u smog va tirbandlik muammosini hal qilolmasligini taʼkidlagan.

“Issiq koʻl viloyatida Asman shahri qurilmoqda. Unga 10 milliard dollar miqdoridagi investitsiya jalb qilinadi. Bishkekdan temir yoʻlni koʻchirish uchun esa 550 million dollar talab etiladi aylanma yoʻl qurish bilan birga esa 1 milliarddan ortiq” – deydi deputat.

Shu sababli Maripov Bishkekni koʻchirib, vazirlar mahkamasini oʻsha yerga oʻtkazish kerak, deb hisoblaydi. Unga koʻra, ana oʻshanda tirbandlik boʻlmaydi.