Taʼlim jarayoni ishtirokchilarini psixologik qoʻllab-quvvatlash tizimini takomillashtirish maqsadida joriy yilda pedagog xodimlar uchun bir qator chora-tadbirlar amalga oshiriladi.

Jumladan, sentyabr oyidan taʼlim oluvchilarga nisbatan zoʻravonlikka moyilligi mavjud pedagog kadrlarni aniqlash va ularga psixologik yordam berish mexanizmlari joriy etiladi.

Oktyabr oyidan boshlab esa bulling, suitsid, voyaga yetmaganlar jinoyatini oldini olish, oqibatlarini bartaraf etish boʻyicha pedagog kadrlar uchun maxsus kurs va dasturlar ishlab chiqiladi.

Bundan tashqari, oʻqituvchilarning kasbiy soʻnishining oldini olish, stresslarga bardoshlilik darajasini oshiruvchi simulyator va keyslar doimiy tarzda yaratilib boriladi.

Bunda barcha xarajatlar Davlat byudjetidan ajratilgan mablagʻlar hisobiga amalga oshiriladi.