Ijtimoiy tarmoqlarda hamda Telegram messenjeri orqali turli kanal va guruhlarda TEMU onlayn doʻkoni ishga qabul qilayotgani haqida xabarlar tarqalmoqda. Unda 1 soatdan 6 soatgacha ishlab 300 ming soʻmdan 2 mln 200 ming soʻmgacha daromad qilish mumkinligi aytiladi.

Kiberxavfsizlik markazi bunday koʻrinishida tarqatilayotgan xabarlar yolgʻon va haqiqatga mos kelmasligini maʼlum qildi.

“Unutmang! Firibgarlarning maqsadi Sizning pul mablagʻlaringizni oʻzlashtirish!

 

Tekin pishloq qopqonda boʻladi, begona shaxs Sizga toʻsatdan moʻmaygina daromad keltirishni taklif qildimi, bilingki bu – firibgar”, deyiladi ogohlantirishda.