Toshkent metrosiga 2024-yil 31-dekabr kuni 3 ta yangi harakat tarkibi — 12 ta metro vagoni olib kelindi. Bu haqda metropoliten matbuot xizmati xabar berdi.

Ma’lum qilinishicha, ushbu harakat tarkiblari belgilan yo‘riqnomaga asosan, 9-10 kun davomida texnik sinovdan o‘tkazilib, so‘ngra yo‘lovchilarga xizmat qilishi yo‘lga qo‘yiladi.

Avvalroq Toshkent metropoliteni dekabr oyida ilk marotaba bir kunda bir million nafardan ortiq yo‘lovchilarga xizmat ko‘rsatgani xabar qilingandi.