Kecha, 24-dekabr kuni “Xalqlar doʻstligi” sanʼat saroyida “Oʻzbegim-2024” milliy taqdimotining tantanali taqdirlash marosimi boʻlib oʻtdi.

Unda yil davomida faol ijod qilgan va muxlislari uchun yangi qoʻshiqlar taqdim etgan bir guruh ijodkorlar ragʻbatlantirildi.

Jumladan, marosimda quyidagi ijodkorlar 11 ta nominatsiya boʻyicha taqdirlandi:

▪️ “Millat kuychisi” maxsus nominatsiyasi – Farrux Zokirov va Gʻulomjon Yoqubov;

▪️ “Yilning eng faol ijodkori” – Muhammadziyo;

▪️ “Yilning eng yaxshi estrada guruhi” – “Benom” guruhi;

▪️ “Yilning eng yaxshi shou konserti” – Lola Yoʻldosheva;

▪️ “Yilning eng yaxshi soʻz ustasi” – Avaz Oxun;

▪️ “Yil qoʻshigʻi” – Ozoda Nursaidova;

▪️ “Yil yangi ovozi” – Shohrux Ergashev;

▪️ “Estradamiz nostalgiyasi” – Dj Pilligrim;

▪️ “Yilning eng yaxshi ayol xonandasi” – Ozoda Nursaidova;

▪️ “Yilning eng yaxshi erkak xonandasi” – Hamdam Sobirov;

▪️ “Vatanparvarlik tarannumi uchun” – Sevara Nazarxon;

▪️ “Oʻzbekkonsert” eʼtirofi” – Imron;

▪️ “Mavzuli yorqin qoʻshiqlari uchun” – Osman Navroʻzov;

▪️ “Ijodiga nisbatan kreativ yondashuvlari uchun” – Shohruhxon;

▪️ “Madaniy tadbirlardagi faolligi uchun” – Jahongir Poziljonov;

▪️ “Oʻzbek estrada sanʼati rivojiga qoʻshgan hissasi uchun” – Rayhon Gʻaniyeva.

Shuningdek, Tojikiston Respublikasining isteʼdodli ijodkori Nigina Amanqulovaga “Oʻzbekiston xalq artisti” mukofoti topshirildi.

Maʼlumot uchun, “Oʻzbegim-2024” milliy taqdimoti Madaniyat vazirligi huzuridagi “Oʻzbekkonsert” davlat muassasasi tomonidan birinchi marotaba tashkil etildi.